1. Na Rialacha Cúirte Dúiche (An tAcht um Cheartas Coiriúil (Leasú) 2009) 2010 is teideal do na Rialacha seo.

2. Tiocfaidh na rialacha seo i ngníomh an 1ú lá de Mhárta 2010 agus forléireofar iad i dteannta na Rialacha Cúirte Dúiche eile go léir ó 1997 go 2010.

3. Leasaítear na Rialacha Cúirte Dúiche 1997 (I.R. Uimh. 93 de 1997):

....

(iii) tríd an riail seo a leanas a chur in ionad riail 10 d’Ordú 17:

“10. (1) Maidir le hiarratas faoi mhír (g) d’alt 2(2) den Acht um Cheartas Coiriúil (Gáinneáil ar Dhrugaí) 1996 ó chomhalta den Gharda Síochána nach ísle céim ná Príomh-Cheannfort nó faoi mhír (h) d’alt 2(2) den Acht um Cheartas Coiriúil (Gáinneáil ar Dhrugaí) 1996 ó chomhalta den Gharda Síochána nach ísle céim ná Príomh-Cheannfort ar bharántas chun duine a choinneofar de bhun an Achta sin a choinneáil níos faide, is trí fhaisnéis faoi mhionn agus i scríbhinn a dhéanfar é agus is i bhFoirm 17.11, Sceideal B, a bheidh sé. Is i bhFoirm 17.12, Sceideal B, a bheidh barántas a eiseofar de bhun na faisnéise sin.

(2) Is tríd an bhfaisnéis faoi mhionn agus i scríbhinn i bhFoirm 17.12A, Sceideal B, ó chomhalta den Gharda Síochána nach ísle céim ná Ceannfort, a dhéanfar iarratas ar bharántas gabhála faoi alt 4 den Acht um Cheartas Coiriúil (Gáinneáil ar Dhrugaí) 1996. Is i bhFoirm 17.12B, Sceideal B, a bheidh barántas a eiseofar de bhun na faisnéise sin.”;

(iv) tríd an riail seo a leanas a chur isteach díreach i ndiaidh riail 13 d’Ordú 17:

“14. Maidir le deimhniú chun críocha mhír (i) de na hailt seo a leanas:

(a) alt 30(4D) den Acht um Chiontaí in Aghaidh an Stáit 1939,

(b) alt 2(7A) den Acht um Cheartas Coiriúil (Gáinneáil ar Dhrugaí) 1996 nó, de réir mar a bheidh,

(c) alt 50(9) den Acht um Cheartas Coiriúil 2007 is i bhFoirm 17.19, Sceideal B, a bheidh sé.”;