1. Na Rialacha Cúirte Dúiche (An tAcht um Cheartas Coiriúil (Forálacha Ilghnéitheacha) 2009) 2010 is teideal do na rialacha seo.

2. Tiocfaidh na rialacha seo i ngníomh an 1ú lá d’Iúil 2010 agus forléireofar iad i dteannta na Rialacha Cúirte Dúiche eile go léir ó 1997 go 2010.

3. Leasaítear na Rialacha Cúirte Dúiche 1997 (I.R. Uimh. 93 de 1997):

.......

​(vi) trí na rialacha seo a leanas a chur in ionad rialacha 8, 9 agus 10 d’Ordú 27:

“8. I gcás ina ndéanfaidh an Chúirt ordú faoi alt 9(1) den Acht um Bannaí 1997, déanfar fógra faoin ordú i bhFoirm 27.9, Sceideal B, a sheirbheáil leis an ngnáthphost réamhíoctha ar an gcúisí agus ar aon urra nó urraí.

9. Féadfar iarratas a dhéanamh laistigh de 21 lá ó dháta eisiúna an fhógra chun ordú arna dhéanamh faoi alt 9(1) den Acht um Bannaí 1997 a athrú nó a urscaoileadh, agus is i bhFoirm 27.10, Sceideal B, a bheidh sé. Déanfar fógra faoin iarratas a sheirbheáil leis an ngnáthphost réamhíoctha ar an ionchúisitheoir seacht lá ar a laghad sula n-éistfear an t-iarratas. Is i bhFoirm 27.11, Sceideal B, a bheidh aon ordú ag athrú nó ag urscaoileadh ordaithe faoi alt 9(1) den Acht um Bannaí 1997.

10. (1) Is i bhFoirm 27.12 , Sceideal B, a bheidh barántas cimithe faoi alt 9(12) den Acht um Bannaí 1997, agus déanfar an tréimhse phríosúnachta a bheidh le sonrú a shainaithint de réir an tábla a ghabhann le hOrdú 23, riail 7, amhail is dá mbeadh an tábla sin ar fáil sa riail seo.

(2) Más rud é go mbeidh barántas a luaitear i bhfo-riail (1) eisithe ach nach mbeidh sé forghníomhaithe agus go mbeidh an tsuim a bheidh sonraithe san ordú eistréata (nó ordú den sórt sin arna athrú) ar suim í a bheidh le híoc ag an duine a bheidh ainmnithe sa bharántas íoctha leis an gCléireach, tabharfaidh sé nó sí fógra láithreach don Cheannfort den Gharda Síochána ar díríodh an barántas chuige nó chuici á rá go bhfuiltear tar éis an íocaíocht sin a dhéanamh agus iarrfaidh sé nó sí ar an gCeannfort an barántas a chur ar ais lena chealú.

(3) I gcás feidhm a bheith ag alt 9(13) den Acht um Bannaí 1997, féadfaidh an t-ionchúisitheoir dul ar aghaidh de réir Ordú 37, riail 12.”, agus

....

4. Déanfar na Foirmeacha darb uimhreacha 16.2, 18.2A, 18.2B, 27.9, 27.12, 28A.14, 28A.15 agus 28A.16 sa Sceideal a chur in ionad na bhFoirmeacha faoi seach ar a bhfuil na huimhreacha céanna i Sceideal B de na Rialacha Cúirte Dúiche 1997 (I.R. Uimh. 93 de 1997). Déanfar an Fhoirm darb uimhir 27.6B a scriosadh as Sceideal B de na Rialacha Cúirte Dúiche 1997.