Is faoi Oifig na nOibreacha Poiblí agus Údaráis Áitiúla a bhí freagracht as soláthar foirgnimh chúirte agus as a gcothabháil go dtí mí na Samhna 1999 nuair a bunaíodh an tSeirbhís Cúirteanna.
Thapaigh an tSeirbhís an deis foirgnimh chúirte a sholáthar, a bhainistiú agus a chothabháil chun gur féidir an ceartas a riar i gcomhair gach úsáideoir cúirte i bhfoirgnimh ina bhfuil dínit, oiriúnacht agus iad lánfheistithe.
Tá go leor de na foirgnimh seo sainithe as a dtábhacht áitiúil, réigiúnach nó náisiúnta. Glactar leo mar chuid d'oidhreacht ailtireachta cathrach nó baile mór agus, mar sin de, is struchtúir chosanta iad. Is iondúil iad a bheith suite go suaithinseach agus cuireann siad go mór le dreach amhairc na mbailte, rud is oiriúnach d'institiúid chomh tábhachtach agus ó thaobh na staire agus an leanúnachais de.
