Cúirt Pleanála agus Comhshaoil - Nuacht agus Fógraí

Rialacha nua don Chúirt Pleanála agus Comhshaoil - Meitheamh 2025

Síníodh rialacha nua don Chúirt Pleanála agus Comhshaoil I.R. Uimh. 246 de 2025 agus tiocfaidh siad i bhfeidhm ar 18 Meitheamh 2025.

Fad na n-éisteachtaí & Leithdháileadh ama - Bealtaine 2025

Mar gheall ar bhrú gnó is dócha nach mbeidh an chúirt in ann freastal ar éisteachtaí de níos mó ná 12 uair an chloig i dtéarma na féile Michíl in 2025.

Má tá páirtithe ag súil le leithdháileadh ama níos faide a lorg, d’fhéadfaidís machnamh a dhéanamh ar cé acu is féidir nó nach féidir cúrsaí a ghiorrú agus/nó a mhodhnú ar bhealach táirgiúil éigin

I gcomhréir le Treoir Chleachtais HC97, tá liosta de roinnt cásanna agus ábhair athfhillteacha sa Chúirt Pleanála agus Comhshaoil a meastar na páirtithe a bheith ar an eolas fúthu, agus dá bhrí sin nach gá iad a chur san áireamh i liostaí údarás agus ar féidir tagairt a dhéanamh dóibh i mbreithiúnais gan iad a lua go sonrach, á chur ar fáil anois le híoslódáil ag deireadh an leathanaigh gréasáin seo a leanas de Threoir Chleachtais 126. 

Meabhraítear do na páirtithe freisin go gceanglaítear ar an gcúirt ar leithligh aird bhreithiúnach a thabhairt (rud a chiallaíonn go neamhspleách ar na páirtithe) ar phíosaí dlí ábhartha éagsúla, a dtagraítear do chuid acu sa liosta ábhar. 

Ar deireadh, tá teidlíocht ghinearálta ag an gcúirt ar ábhair thagartha i mbreithiúnas nach luaitear ná nach n-áirítear go sonrach i liostaí foilsithe amhail an ceann atá ann faoi láthair, ach dá n-athródh ábhar ar leith den sórt sin an toradh a thiocfadh ar an gcúirt murach sin, thabharfaí fógra do na páirtithe. In éagmais fógra den sórt sin, is féidir le páirtithe glacadh leis gur treisíodh aon ábhar den sórt sin seachas gur athraíodh an toradh a raibh sé i gceist ag an gcúirt a bhaint amach ar shlí eile.